SEO: Yashirin Imkoniyat

SEO mening biznesimga kerakmi?

Bugungi kunga kelib, SEO internet marketingda eng daromad keltiradigan #1 raqamli yo’nalishga aylandi. 68% xaridlar Google orqali qidiruvdan boshlanadi.

Shularni hisobga olgan holda, OQILA reklama agentligi barcha tadbirkorlarga SEO xizmatini taklif qiladi. Shu paytgacha SEO qilib bekor qildim degan mijozlarni ko’rmadik. Shuning uchun ham SEO sizning biznesingizga ham kerakligini biz aniq bilamiz.

Qanday kafolat bor?

Aslida Googlening birinchi o’rnida sizning saytingizni mixlab qo’yamiz deb kafolat berishning o’zi mantiqsizlik. Chunki Google kompaniyasi bizning qo’limizda emas. U o’zi xohlagancha qidiruv natijalarini chiqaradi.

Biz saytingizda shu paytgacha ish bergan hamma amallarni bajaramiz va natijani kutamiz, ya’ni Googlening bunga bo’lgan munosabatini.

Bizning qo’limizdan keladigani tanlagan tarifingizdan kelib chiqib oldindan kelishilgan iboralar bo’yicha saytingizni birinchi 10 talikka kiritishga va’da (kafolat) berish. Agar shu vazifani bajara olmasak, pulingizni qaytarib beramiz. Bu shartnomaga ham kiritiladi.

Kafolat biz bilan birinchi marta hamkorlik qilayotgan bo’lsangiz, siz uchun qo’shimcha ishonch vazifasini bajaradi. Lekin shu paytgacha biror mijozmizga va’da qilgan natijani ko’rsata olmasdan pulni qaytargan holatimiz bo’lmagan.

Ko’pincha, aniqrog’i 90% holatda, va’da qilingandan ko’proq iboralar bo’yicha sayt yuqoriga chiqadi. Asosiysi natija daromadda ko’rinadi.

Qancha kutish kerak bo’ladi?

SEO vaqt talab qiladigan ish. Sizdan esa sabr talab qilinadi. Birinchi 3 oyda saytning Googleda ko’rinishi ancha yaxshilanadi. Kelishilgan jami iboralarning 60 – 70% Googlening 1 – sahifasidan 10 – sahifasi oralig’ida ko’rina boshlaydi.

5-6 oylarga kelib, ko’p so’zlar birinchi sahifaga chiqadi va biz aytayotgan natijada sezila boshlaydi. Ba’zida bu tezroq, ba’zida sekinroq kechadi. Agarda sizda internet do’kon bo’lsa vaqt olishi mumkin, biroq siz aynan bir hudud uchun yo’naltirilgan biznesingiz bo’lsa, unda ish tezroq bitadi.

OQILA reklama agentligi bilan hamkorlikdan qanday manfaat bor?

• Aniq natijaga ega bo’lasiz;
• Natijaga kafolat bor, aks holda pulingizni qaytaramiz;
• Narx va muddat ochiq-oydin keltirilgan. Yashiradigan hech narsamiz yo’q;
• Xizmatlarimiz nimalardan iborat ekani jadvalda aniq berilgan;
• Qanday boshqichlarda ish bajarilishi quyida batafsil keltirilgan;
• Hech qanday yashirin xarajatlar yo’q;
• Sizda ortiqcha savolga o’rin qolmaydi. Ikkalamizning ham vaqtimiz behuda sarflanmaydi.

Qidiruv tizimi nima?

Google, Bing, Yahoo, Baidu, Yandex, DuckDuckGo kabi saytlar. O’zbekistonda va butun dunyoda ham shulardan end ko’p ishlatiladigani bu Google.

Kalit ibora nima?

Bir oyda 10 martadan ortiq Google orqali qidiriladigan, bittadan ortiq so’zdan tashkil topgan ibora kalit ibora deyiladi.

Kalit iboralarga misollar: «ishlab chiqarish uskunalari narxlari», «bolalar kiyimlari», «bo’yoqlar sotib olish».

Sayt qancha ko’p kalit ibora bo’yicha birinchi sahifaga chiqsa, shuncha daromad ko’payadi. Albatta, har bir kalit ibora bo’yicha saytni birinchiga olib chiqish SEO mutaxassisdan mehnat talab qiladi. Shuning uchun narx iboralar soniga bog’liq.

Qidiruv soni nima?

Berilgan hudud, masalan, O’zbekiston yoki Buxoroda bir oyda berilgan ibora o’rtacha necha marta Google orqali qidirilishi soni. Ushbu son Google kompaniyasi tomonidan rasman taqdim etilgan maxsus dastur orqali aniqladi va u oxirgi 12 oydagi sonlarning o’rta arifmetigiga teng.

Qidiruv natijasi nima?

Ibora bo’yicha qidirilganda tizim beradigan natijalar yoki ular joylashgan sahifalar. Har bir sahifada 10 ta sayt joylashadi.

Sayt o’rni nima?

Ibora bo’yicha qidirilgan natijadagi saytning o’rni. Eng yuqori o’rin 1 ga teng. Masalan, sayt 2-sahifaning 4-o’rinda chiqsa, demak, u 14-o’rinda chiqyapti.

Birinchi 10 talik nima?

Qidiruv natijasining 1-dan 10-o’ringacha bo’lgan istalgan bitta o’rin. Bu aslida qidiruv natijasining birinchi sahifasi.

Nechinchi o’rinda chiqish eng foydali?

Albatta, ko’pchilik birinchi 3 natijaga bosadi. Jahon statistikasi shuni ko’rsatdiki, masalan, ibora bir oyda 100 marta qidirilsa 31.73% odam 1-o’rindagi saytga bosadi. Quyidagi rasmda birinchi 10 ta o’rinning ustiga bosilish ulushi keltirilgan.

Ko’rinib turibdiki, sayt 5-o’ringa ko’tarilganda tashriflar keskin oshadi. Xuddi shunday hol 3-o’rinda ham kuzatiladi.

Saytimni qanday SEO qilasizlar?

Ko’pchilik web sayt yaratish jarayonida SEOni inobatga olishadi. Ammo yangi saytmi, yoki ko’p yillik, internet do’konmi yoki bir sahifalik web saytmi, barchasiga alohida e’tibor bilan ishlash kerak. Malakali xodimlarimiz doimiy izlanishda va ular kun sayin ish uslubimizni yaxshilab borishadi. Chunki internet reklamada 1 yil oldingi usul bugun ishlamaydi.

Biror ibora qidirilganda, Google saytlarni 200 ga yaqin me’zonlar bo’yicha baholab, so’ng eng yuqori baho olganlarni birinchiga chiqaradi. U saytlar dizaynlaridan tortib Demak, biz saytingizni mana shu talablarga moslaymiz.

Ushbu amallar bosqichma bosqich oyma-oy bajariladi. Asosan quyidagi bosqichlardan iborat.

Biznes tahlil

SEO qilishda birinchi bo’lib:

• • Kompaniyangiz yo’nalishi,
  • Uning tarixi, xodimlar soni, ish uslubi,
  • Mahsulot va xizmatlaringiz ro’yxati,
  • Xaridorlaringiz kimligi, hajmi, ijtimoiy guruhi,
  • Raqobatchilaringizning ustunliklari va kamchiliklari

kabi ma’lumotlarni to’playmiz. So’ng saytingiz eng yuqori natijani ko’rsatishi uchun qilinadigan ishlar rejasini tuzamiz. Qo’ldan kelgan barcha sinalgan amallarni bajaramiz. Natija esa, doimiy mijozlar oqimi.

Kalit iboralarni to’plash va saralash

Sifatli tashrifchilarni saytga tortish eng muhim vazifa. Xayriyatki, mutaxassislarimiz bu ishni san’at darajasiga olib chiqishdi. Natija esa Cluster 2.0^TM uslubi.

Hamma kalit ibora ham daromad olib kelavermaydi. Masalan, oyiga 10,000 marta qidiriladigan iboralar bor, lekin u bo’yicha birinchiga chiqqan bilan saytga kirganlardan hech kim buyurtma bermaydi yoki qo’ng’iroq qilmaydi.

Cluster 2.0^TM – OQILA SEO kompaniyasining ko’p yillik tajribalari natijasida ishlab chiqilgan algoritm bo’lib, u haqiqatdan daromad olib keladigan iboralarni aniqlaydi.

Demak, sizda saytini SEO qilmagan biznes egalariga qaraganda ustunlik bo’ladi. Chunki ular har bir tashrif uchun Googlega $2 to’lashadi.

Saytni texnik moslash

Google me’zonlarining yarmi saytning texnik holatini baholaydi. Bu talablarga web dizayn qulayligi, meta sarlavhalar, sayt tuzilishi va hokazolarni misol qilish mumkin. Ammo web sayt yaratish jarayonida mayda detallarga ahamiyat berilmagan bo’lishi mumkin.

OQILA kompaniyasining xizmatlari saytni SEO (texnik) tahlil qilish va uning natijasida saytni tuzatib chiqishni o’z ichiga oladi.

Zamonaviy veb dizayn, saytning mobil shakli, varaqlashga qulay sayt tuzilishi, qo’yingki, barcha ikir-chikirlarga mehnat sarflanadi.

Matnlar yozish

Xo’sh, saytingizni yuqoriga olib chiqdik, unga odamlar ham kiryapti. Endi xizmatingizni yoki mahsulotlaringizni sotish kerak. Uning uchun kopirayting (reklama matnlari) orqali bajarish mumkin. Biroq bu oddiy tekstga o’xshamaydi. Buni malakali kopirayterimiz yozgan mijozni jalb qiluvchi SEO matnlar bajaradi.

Bu ham alohida san’at bo’lib, uni faqat tajribali kishi, kopirayting sohasini chuqur o’rgangan odam yozgani ma’qul. Bizda bu ishni malakali kopirayter va jurnalistlar bajarishadi.

Saytni boshqa axborot vositalarida targ’ib qilish

Saytning ichki unsurlaridan tashqari, u haqida boshqa axborot vositalari nima fikr bildirayotgani SEOda muhim o’ringa ega. Bu sohada ham OQILA SEO kompaniyasi katta hajmda ish olib boradi.

Natijada siz haqingizda boshqa saytlarda ham ma’lumotlar paydo bo’ladi. Buni pullik reklama bannerlari yoki e’lonlar bilan adashtirmaslik kerak. Targ’ibot deganda haqiqatdan qimmatli ma’lumotning boshqa axborot vositalarida chop etilishi nazarda tutiladi va ular sizning saytingizni manba qilib ko’rsatishadi.

Natijalarni sinovdan o’tkazish

Saytga tashriflar boshlangandan keyin, biz ular qaysi tugmalarni ko’proq bosayotganini, nima ularga yoqmayotganini sinovdan o’tkazamiz. Xatolarni tuzatamiz.

Har oy so’ngida saytning Googleda ko’rinish darajasini, tashriflar, qo’ng’iroqlar va buyurtmalar soni haqida hisobot tayyorlab, sizga jo’natib turamiz.

OQILA internet reklama agentligi bilan hamkorlikda siz doim jarayondan xabardor bo’lib turasiz.

Shu ishlarni o’zim qilsam bo’lmaydimi?

SEO qilishni osh pishirish deb tasavvur qilsak, biz sanab o’tgan bosqichlar xuddi oshga go’sht, guruch, sabzi, piyoz, yog’ kerak degandek gap. Buni bilish hali mazali osh pishirish degani emas. Haqiqiy natija olib keladigan SEOni o’rganish uchun mutaxassislarimiz kamida 10 yil sarflashadi.

Albatta, siz ham buni o’rganishingiz mumkin. Bu mavzuda kitoblar va internet manbalar yetarli. Bemalol bu sohani mukammal egallashingiz mumkin: https://moz.com/help.