CRM (inglizcha «Customer relationship management») – mijozlar bilan bo‘ladigan aloqalarni boshqarishni anglatadi. Bu boshqarishlar mijozlar bilan bo‘ladigan deyarli barcha ishlarni, jumladan, savdo va xizmat ko‘rsatish bilan bog‘liq jarayonlar, bo‘lajak voqea-hodisalarni tahlili, mijozlarni yo‘nalish-yo‘naltirish va xatti-harakatlari va hokazolarni o‘z ichiga oladi. Umumiy qilib aytganda, CRM mijozlar bilan bo‘ladigan aloqani mukammallovchi dastur – vosita.
CRM – ishlab chiqaruvchi korxona yoki xizmat sotuvchi tashkilot bilan mijozlar o‘rtasida ularning ma’lumotlarini jamlash, tartibga solish va tahlil qilish imkonini beradigan dastur. CRM dasturi sizni biznesingizni rivojlantirishga yordam beradi va xalqaro bozorda bu samaradorlik dunyo bo‘ylab yildan yilga ortib bormoqda.
– Mijozlarning ma’lumotlarini to‘plash va saqlash.
CRM tizimi orqali siz mijozlaringiz haqida ma’lumotlar to‘plashingiz hamda ularning savdo tarixlari kabi qo‘shimcha ma’lumotlarini bir joyda, ya’ni CRM tizimida saqlashingiz, tekshirishingiz va tahlil qilishingiz mumkin. Bu sizga mijozlaringizni siz bilan bo‘lgan xaridlar tarixini yaxshiroq ko‘rib chiqish, ularga manfaatliroq xizmat ko‘rsatish va ular haqida tahlil va ma’lumot olish imkoniyatini beradi.
– Mijozlar bilan samaraliroq aloqalar o‘rnatish.
CRM tizimi mijozlar bilan unumliroq aloqalar o‘rnatishga imkon beradi. Siz mijozlar haqida to‘plangan ma’lumotlar asosida ularning talablari, tajribalari va takliflari orqali ularga shaxsiy xabaringizni yuborish imkoniyatiga ega bo‘lasiz. Ushbu samarali aloqalar mijozlar va korxona o‘rtasidagi munosabatlarni albatta kuchaytiradi va uni davomli qiladi.
– Savdo jarayonini yaxshilash.
CRM tizimi savdo jarayonini tashkillashga va boshqarishga yordam beradi. Bu tizim orqali siz savdo takliflarini, buyurtmalarni, yetkazib berishlar va to‘lovlar to‘g‘risida ma’lumotlarni o‘rganish, tahlil qilish va boshqarish imkoniyatiga ega bo‘lasiz. Turli xil dasturlar va ijtimoiy tarmoqlarni integratsiya qilish orqali foydalanuvchilarni jalb etish va savdo daromadini yanada oshirishingiz mumkin.
– Tahlillar va taqdimotlar.
CRM tizimi korxonalarga analitik tahlil imkoniyatini beradi. Siz tizim orqali korxonangiz mijozlarining qanday xizmatlar va mahsulotlardan foydalanayotganligini va bunga asoslanib marketing strategiyalaringizni tuzishingiz va mijozlarga taqdim etishingiz mumkin.
– Ishda, jamoangizni boshqarish.
CRM tizimi tomonidan taqsimlangan vazifalarni, shuningdek, mijozlar talabiga binoan kelgan so‘rovlarni to‘g‘ridan-to‘g‘ri boshqarish va ularni xodimlarga taqsimlash imkoniyatiga ega bo‘lasiz. Tizim sizga ish-jamoada hamkorlik yaratishda, vazifalarni taqsimlashda va ularni taklif qilishda va hamda xodimlar o‘rtasida kuzatuv – monitoring qilishda yordam beradi.
– Statistikalar.
CRMning foydalarini raqamlar bilan ifodalasak, dunyo bo‘yicha 2025-yilgacha korxonalar CRM tizimi yordamida 80 milliard dollarga yaqin foyda ko‘rishi mumkin, CRM foydalanuvchilarning 74 foizi savdolarning oshganligini aytishgan bo‘lsa, kichik korxonalarning 91 foizi CRM dasturidan foydalanishini aytishgan.
Bu foydalar sizga mijozlarni uzluksiz boshqarish, savdo jarayonlarini tahlil qilish va korxona tashkilotida samarali aloqalarni o‘rnatishda yordam beradi.
CRM dasturini turli muhitlarda sinab ko‘rish va foydalanish mumkin, CRM tizim turli xil sohalarda moslashuvchan ishlay oladi. Umuman, har bir sohaning o‘ziga xos xususiyatlari bor va har bir biznes egasi o‘z korxonasini (biznesini) o‘zi istagan uslubda boshqara oladi, bunga CRM dasturi ko‘maklashadi. CRM tizimlarini turli xil sohada ishlay olishini turli xildagi beshta soha misolida ko‘ramiz:
– Sog‘liqni saqlash.
Bemorlar sog‘liqni saqlash tashkiloti – «klinika»ga murojaat qilganda, CRM tizimi shifokor qabuliga yozish, uni jadvalga qo‘shish, shifokorga bo‘lajak tashrif haqida bemorni oldindan xabardor qilish va hokazolarda yordam beradi. Masalan, CRM tizimlari yaqinlashib kelayotgan mavsumiy grippda mumkin bo‘lgan oqibatlarga tayyor bo‘lish uchun xodimlar jadvalini yangilashda va zarurat tug‘ilganda zarur dori vositalarining yetishmasligi haqida xodimlarni xabardor qilishda foyda beradi.
– Chakana («optom») savdo.
Chakana savdo uchun CRM dasturi mahsulot va xizmatlarni mijozlarga yuqori darajada xarid qilishlari imkonini beradi. CRM dasturi integratsiya qilish orqali mijozlar talabini aniqlashda veb-sayt va ijtimoiy tarmoqlar orqali to‘plangan ma’lumotlarni tahlil qilishi mumkin.
– Mehmonxona va oziq-ovqat xizamti.
Mehmonxonalar CRM tizimini qo‘llashdan eng ko‘p foyda ko‘radigan sanoat sektorlaridan biri hisoblanadi. Bunday tizimlar xodimlarga mehmonxonaning hozirgi va kelajakdagi mehmonlari bilan bog‘liq ma’lumotlarini boshqarish, tahlil qilish va ularga o‘zgartirish kiritish imkonini beradi. Mehmonxonalar uchun CRM tizimlari xonalarni band – «bron» qilish kabi usullarda ishlashi mumkin. Bunday yondashuv sizning xodimlaringizni qog‘ozbozlik yoki samarasiz dasturlarga vaqt ajratish zaruratidan xalos qiladi. Buning o‘rniga, barcha kerakli ma’lumotlar avtomatik ravishda saqlanadi, tahlil qilinadi, saralanadi va ushbu ma’lumotlar mos bo‘limlar bilan bo‘linadi. Xodim mijozga tegishli ma’lumotlarni olish, o‘tgan va kelajakdagi xonalarni band qilish, aloqa ma’lumotlarini ko‘rib chiqish va hokazolar uchun shaxsiy kompyuter yoki mobil qurilmalarda CRM tizimidan foydalanishi mumkin.
– Hisob-kitob xizmatlari.
Hisob-kitob, moliya sanoati – bank sektori ham mijozlarning xatti-harakatlarini yaxshiroq tushunish va yanada yaxshiroq takliflarni yaratish uchun CRM dasturidan keng foydalanadi. CRM dasturi sizning mijozlaringiz qidirayotgan xizmatlarni taqdim etishda xodimlaringizga yordam beradi. Natijada, sizning xodimlaringiz mijozlarning hozirgi talablariga ko‘proq e’tibor berishadi. Mijozlaringizni afzal bilgan tranzaktsiyalar, kredit va debet kartalarining turlari xizmatlaringizni yaxshilash uvhun asos bo‘lishi mumkin.
– Ishlab chiqarish.
Avvalo, ishlab chiqarishda CRM dasturiy ta’minotidan foydalanish mahsulotga bo‘lgan talabni kuzatishda yordam beradi. Integratsiyalashgan CRM tizimi mahsulotga bo‘lgan talab bilan bog‘liq juda aniq prognozlarni ishlab chiqishda foyda beradi. Ushbu ma’lumotlarga ega bo‘lgan kompaniyalar mahsulotlarni bozorga tezroq yetkazib berishlari va raqobatchilardan o‘zib ketishlari mumkin. CRM tizimi real vaqtda xatolarini aniqlash uchun korxona miqyosidagi ma’lumotlarni to‘plash va tahlil qilishda yordam beradi. Bu sizga korxonaning zaif nuqtalarni aniqlashga yordam beradi.
Har qanday sohada, har qanday kompaniya, ishlab chiqarish va biznes uchun yaxshilanish, rivojlanish kerak. Yangi imkoniyatlarni paydo qilishning mumkin bo‘lgan usullaridan biri bu mijozlarni jalb qilishning yangi imkoniyatlarini ta’minlaydigan maxsus CRM tizimidan foyldalanishdir. Bunday yechimlar biznes va ularning mijozlari uchun ham, sanoat yoki korxona uchun ham foyda keltirishi mumkin.
Agar siz o‘zingizning biznesingizga katta foyda keltirishi mumkin bo‘lgan mijozlarni boshqarish dasturini izlayotgan bo‘lsangiz Oqila kompaniyasi taqdim etayotgan Tulpor CRM tizimini sinab ko’rishingizni maslahat beramiz, Tulpor CRM o‘zining qulay interfeysi bilan xodimlaringiz o‘rtasida ishlashni, mijoz va sotuvlarni boshqarishni osonlashtirishga yordam beradi. Tulpor CRM tizimiga hoziroq ro‘yxatdan o‘ting va biznesingizni yangi cho‘qqilarga olib chiqing!
